恭喜呀~~~~萬分恭喜~~~~真替你開心呀~~~恭喜你讀到RN~~~~比心機呀~~~雖然我知唔使我講你都會好比心機~~~~

真好~~~終於比你等到~~~~我都覺得好開心~~~~~

身邊既每個人都朝住理想向前行~~~

＊＊＊

又係新既一日

＊＊＊

尋日都未訓醒，就一個電話打嚟～～～然後～～～我比人炒魷耶～～～第一次補習唔係我自己走人先～～不過，冇所謂啦～～～反正我唔鐘意補習～～～佢推我好過我推佢～～～

但係～～淨反手頭上既補習就千祈唔好推我啦～～～唔係既話～～會好慘架我～～

＊＊＊

今日同fd行街～～其實應該話係佢陪我行街～～～

終於買左電話啦～～～哈～～尋日先睇到佢既廣告，今日就走去睇下啦～～然後就決定左買佢～～

好多時都係咁～～睇中左就唔會轉～～～

＊＊＊

就快開學啦～～～真係唔想咁快要返學～～～雖然，咁長既假期都唔知做左Ｄ乜～～～

＊＊＊

加油啦大家～～～

呢排既情緒唔係好穩定，前排煩自己，而家煩屋企，越大個越覺得，要快樂，真係好難。

係咪，因為越嚟越唔知足，所以，更加難覺得開心呢？

其實，比起以前，而家既我，應該係開心好多，但係，以前既我，唔愛屋企，所以，唔會因為家人而覺得唔開心。

而家，我愛我既家人，但係，反而因為咁，會因為佢地既事，而覺得唔開心。

有時候，都係覺得，做人自私Ｄ好。

至少，開心唔開心都係因為自己。

好冇用呀，想講既野，成日都因為控制唔到自己，而講唔出口，好想可以冷靜咁同佢地傾，同佢地講，但係，講講下，就忍唔住。唔想比佢地見到咁既樣。所以寧願扮冇事。

而家既我，好似人前一個樣，人後一個樣。

因為知佢地煩惱緊，所以，唔想令佢地更煩，可以既話，我只想令佢地可以開心。

但係，咁樣好攰。

根本冇辦法去令兩邊都覺得高興。

依家既我，乜都做唔到。

所以，盡量令佢地唔需要擔心我。呢個好似係我唯一可以做既野。

點解，人總係咁樣？

可唔可以自私得嚟，同時唔會傷害到身邊既人？

關係係相向架，單方面既努力，有用嗎？

第一次坐定定睇奧運~~睇得最多都係體操、跳水同舉重，射擊、馬術、游水、籃球同羽毛球都只係睇左幾眼～～

男子體操好正，最鍾意李小鵬～～～好Man呀佢～～～其次係陳一冰～～～佢都好勁～～仲好可愛tim~~~而楊威、黃旭、肖欽同鄒凱都好厲害～～～～都好勁呀～～～～～男子體操贏晒～～～～

可惜吖～～李小鵬、楊環威同黃旭可能都係最後一席參加奧運～～～

不過～～～中國新人輩出～～～都好令人期待～～～

女子體操都好正～～聽朝10:30要起身睇佢～～～佢地都好有希望會贏呢！！！

最好睇都係體操～～

然後，跳水都好厲害呀～～～雙人跳水好齊～～動作好一致～～～不過，竟然冇睇到郭晶晶佢地跳嗰part，真係可惜～～～

舉重項目，無論男女都好厲害～～～～比我舉～～一定郁都唔郁一下～～～～頭先睇完既男于６５公斤（好似係６５公斤）抓舉～～最後贏既總重量有成340幾公斤～～有成六七個我咁多～～真係～～佩服～～～

＊＊＊

呢幾日既生活過得好充實～～～繼續啦～～～

一向都冇睇體育節目既興趣，不過話晒今年係中國主辦既奧運會，而且有張藝謀負責既開幕儀式，仲話用成八億去做，咁就點都要睇下啦～～～！！！

開幕既第一個節目打鼓（唔記得左咩名）表演節目真係好有氣勢，好齊好合拍，成2008個人，但一Ｄ都唔亂～～好正！！之後既表演，都表現出中國特有既文化風族，配合科技效果，真係相得益彰！！

睇睇下，都突然有種身為中國人既驕傲，不過，都只係呢一刻，因為，都仲係覺得中國仲係有好多地方需要改善啦！愛之深，恨之切應該係咁用！希望可以睇到中國越嚟越進步！

睇完晒所有既表演節目，最大既感覺就係，中國人力資源真係多！！！因為當中唔少節目都係以人為本，我諗淨係表演者都數以千計！

而參與奧運既運動員，單單中國都有600多人，真係人多就更容易攞多Ｄ獎牌！！

最想睇既都係體操同馬術比賽。

加油！

今日，同慧慧睇左Wall.E，冇想像中咁好笑，不過不過不失啦～～～

然後，行左一陣，跟住......慧慧，唔好意思呀～我知道，對住我你都幾無奈下～～不過，只有喺你面前，我先可以咁。

＊＊＊

下晝，自己一個去左睇《蝙蝠俠》，好好睇，真係非常好睇～～～遲ｄ要買碟儲～～～

真係應該反省下點解我可以咁得閒。

＊＊＊

去左圖書館，借左兩本好啱我而家呢個心情睇既書。

＊＊＊

埋怨前，先反省自己是否已盡了力。

＊＊＊

或者，真的沒有了以往的信心。

不過，我會努力揾佢返嚟！因為，而家咁樣既自己，真係令我好討厭！唔可以再down落去！

要得到別人的肯定，先要自我肯定。

我信我可以。

前日同好耐冇見既中學同學睇戲，睇左《盜墓迷城３》，都ＯＫ啦～～起碼有得笑。

行左一陣街，買左生日禮物比姐，不過，好大頭蝦，比人找少左＄都冇留意，直到上車返屋企既時候，睇銀包，點解淨返咁少＄既，先發現佢找少左＄110比我！於是，打個電話去店嗰邊，佢check完數之完話真係找錯數，於是，叫我返去攞返。

不過，前日我好忙，睇完戲，行左陣街之後，就要趕返屋企，因為喺屋企附近接左份補習。

明明大前日先話想quit晒所有補習，一個都唔留，因為實在太悶，我頂唔順啦～～～點知，隔左冇耐，就見到份job喺屋企附近，payment唔差，於是，試下apply啦，點知，幾分鐘之後，就打電話嚟話替我安排，再幾分鐘，就話ok左，聽日就要返第一堂，於是，而家就有３份補習喺手......

明明唔想補習，偏偏成日都揾補習，真係，不過唔做補習做得ｄ咩呢？時間上又配合到既。

補完習之後，出左荃灣，帶左Grace去剪頭髮，佢好捨得呢！過腰既長髮，一剪剪左個短ＢＯＢ頭，都幾好睇吖！我都好想剪。

＊＊＊

點解呢排成日都比人放飛機既？！！真係，越嚟越麻木啦！再有人同我講要cancel我一d都唔會意外！！