KUNG

尋日去左書展，不過今年既書展好悶，只買左一本深雪既新書，睇嚟，下年都幾有可能唔去。反正，我成日都去書局睇書，樓上書店既價錢仲平d tim。

今日，啱啱睇完深雪本書，最近佢寫既書都唔好睇，睇嚟,再係咁落去，以後都唔駛再買佢既書嚟儲啦！

冇乜衝勁，冇乜動力，再咁落去真係唔得架喎！

今朝原本話同阿媽去睇蝙蝠俠，結果佢話有雷電警告，最後放我飛機，所以，我決定遲ｄ自己去睇！

＊＊＊

前排約人踩單車，以為咁大個人唔駛打電話提佢都識準時架啦！而且又唔係約得早！結果一個準時，兩個遲大到！約左１２：３０。

第一個打比我既時候話自己未起身，而佢又住得遠，於是，要嚟都要成個半鐘喎！而且佢唔識路！佢問我咁點算！哈！仲可以點算？咪同佢講我地去左先，佢遲ｄ到左再打比我，先同佢講點行。

第二個就係我打比佢既時候，佢話誤記左個時間，佢即刻出嚟大約半個鐘，咁都冇辦法啦！我同另一個ｆｄ唯有等。

諗住佢地兩個嚟到時間都差唔到，可以等埋一齊行，點知，第二個遲到既先到左，第一個既都仲未出門口！

真係唔知講乜好！

結果，都係等齊人先行，去到踩得兩個鐘。

踩踩下，第二個唔係好識踩既話唔想踩想走，第一時間我聽到既時候真係喺度諗，早知你就唔好嚟啦！

結果，由佢自己行，我同第二個ｆｄ繼續踩到夠鐘。

真係，試過一次冇第二次，之前約親佢都遲到！而且遲到都唔打個電話比人講聲先！我真係越嚟越冇耐性！

＊＊＊

前日同阿媽去左流浮山，幾偏僻，冇咩好睇。

不過，都見到幾多彈塗魚，幾佩服佢地既生命力，喺咁污穢既環境度都生存得到。

＊＊＊

冇人鍾意比人放飛機，亦冇人鍾意一次又一次更改見面既時間！最少，我好討厭咁樣！

有時候，的確係人地突然有野做，可以話係迫不得已？！都應該要體諒下既.......唔體諒又可以點？！！！真係，仲可以講咩？容許我冇野好講！

有時候（其實好多時候），要延期既話，我都想話，不如直接cancel算啦！唔駛再約咁煩！

但係，咁樣又好容易令人落唔到台。

人際關係麻煩到死！

我想見你既時候，見唔到，不如唔好見，或者，只係我單方面咁想見到你地，你地根本諗都冇諗起我，咁既話，不如算啦！呢個係我既心態。

＊＊＊

對算命睇相有興趣既人，可以睇下呢個網，個免費整體性格試算都詳細。

＊＊＊

本來以為今日會見到一個會令我好開心既朋友，最後竟然令我更唔開心。總是接二連三。

唔好揾我，我亦唔會再揾人。

＊＊＊

只要有一個真正明白我，亦需要我既人，但係，越嚟越發現，冇呢個人存在。我亦都唔存在。