想
呢排唔係好舒服,其實都唔係咩大問題既,係把聲唔係好出到~沙沙地咁啦~~可能因為之前連續出街,連續吸左幾日廢氣同煙味,然後又唔夠訓,結果就衰左~~~
仲要唔係唔舒服都唔開始番補習,於是,同班細路仔鬥大聲,真係......
婆婆嚟左三日,今日返左鄉下,其實我都冇點陪過佢,因為三日入面都有兩日去左補習~不過新年會返去陪佢~~~一定要健健康康,開開心心呀~~~
今日,好凍呀!!!凍到就嚟變冰條!
前兩日,小學補習嗰邊有,負責補習班的路德會一個職員,唔算熟既,SEND左個MESSAGE問我讀咩科,佢有D問題,叫我打比佢,然後,結果約左今日朝早9:00返到嶺南,教佢。
然後,佢今日遲到..打比佢既時候,就話,會遲到,9:30倒到, 但結果係..10:00先到,我真係......
今日教佢既係會計同中四定中五既數學,諗唔到我都會教人會計~~~好彩佢話係Book keeping 同double entries既野,最基本既我都仲可以解答下既,再深d我就唔敢應承教佢lu~~~數學就唔係問題啦~~~
不過,我都幾佩服自己今日既耐性,因為佢真係一d都唔明,但係講真,佢唔明,係因為佢英文底子差,又唔自己查字典!因為accout出現既字眼其實都差唔多,但係佢話自己都讀過會計架之前,點解好似完全未讀過咁既?而且,如果佢肯查字典,我相信,最基本會理解上冇問題先。
數學方面,可能佢既轉數比較慢,但係,我真係唔係好理解點解講極做極佢都唔明既?唔通係我表達有問題?
後來,知道佢而家讀夜校而且年紀比我大,其實我覺得出嚟做野,仲肯讀夜校就已經係上進既表現,不過都真係要表現得上進先可以架~~~唔明就做多d練習,由最容易既做起～但係佢講到好似佢唔識都應該，因為佢以前唔駛學，而家就冇時間去學番。
我呢，都唔知可以應佢ｄ咩～～～我覺得今日我已經盡左人事架啦～
希望天氣唔好再凍落去～～～！！！！
