KUNG

早幾日，同中學既Miss 岑同其他既librarian食飯，都好耐冇見大家呢！雖然，同佢地都算唔上熟絡，但係，一見到，就覺得好懷念以前。

我好鍾意Miss 岑架，不過，一路以嚟，同佢都唔算係熟，因為，除左圖書館工作上既野之外，我都唔會主動揾佢傾計。一直都想返學校揾佢，但係，可能冇緣啦，所以每次都撞唔到佢。

Miss話我同以前一樣咁靜，哈，我冇變既唯一一樣野就係呢個，而我最唔鍾意既亦係咁樣。靜係可以，但係，太靜，就唔好了。

不過，身邊既人多數唔都覺得咁樣既我有問題。或者，係我自己既問題啦。

Miss話，見到我笑多左，咁咪好囉，要繼續開心ｄ，笑多ｄ。的確，改變唔係一時三刻既事。

＊＊＊

Chasa，多謝你呢！唔駛擔心我，情緒低落係周期性既問題，冇事架啦我。

＊＊＊

由放假開始，我就開始擔心一樣野，其實，都唔算係由暑假

開始架啦，應該話一直都憂慮一樣野，就係唔知將來既自己可以做ｄ咩，只不過，暑假想揾工期間，睇得太多工作招聘條件之後，就發現到，自己，冇咩條件喺手，一畢業，都唔知可以做ｄ乜，於是，開始騰雞，想快ｄ都攞到一ｄ野，然後就開始去睇呢樣報嗰樣，好似唔好執輸咁。咁樣叫做增值自己？

暑假都仲有補習，有時都幾可憐嗰兩個補習學生，而家既細路仔，可以話係連暑假都冇放過，唔係私人補習，就係學校先修班，再唔係就一大堆既補充練習同興趣班等住佢地，真係，可憐，不過，又有ｄ羨慕佢地，因為，可以接觸唔同既野，多ｄ機會去試各種既事物，雖然攰，不過，幾好吖，生活夠充實嘛！

＊＊＊

或者，對於生活，不太在意，

又或該說是，太易滿足於現狀，所以沒衝勁求變？

揾緊可以令我重燃熱情既野，

希望，可以活得更有活力一ｄ。