熊喵喵私房記事簿

以上兩種哀號係我這個週末的縮影, 亦係出現次數最多既助語詞..

泰臣成日恥笑我踏單車既技術, 又揭我舊瘡疤, 笑我將佢架老爺車衝左落田…… 士可殺不可辱, 我接受左佢既戰書, 入長洲踏單車.

平路當然無問題, 但係我呢個”郎心如鐵”既相公, 竟然挑釁我free wheel衝落斜坡 ~~~~~ 又係一句”士可殺不可辱”出事, 你衝好叻咩, 我又衝 !!! 同你死過, 殺~~~呀~~~ !!!!!!!

三小時過去, 雖然保住條命仔 (仲有面子, 同埋按金), 但係嗌到好死累, 因為次次落斜都大嗌特嗌, 哎~~~呀~~~~~死~~~啦~~!!!!~丫~~ !!!! 行開d~~~丫~~~~

坐係路旁原本打算曬太陽, 垂釣, 談心, 睇報紙, 打牙跤...既一眾街坊父老, 請勿見怪, 小女子都係為勢所迫..

最傷既其實係個八月十五, 唔知係咪太耐冇踏單車, 覺得個seat位好硬, 個屁股仲有d隱隱作痛